2015 jylǵy 24 aqpan, Astana qalasy
«Densaýlyq saqtaý obektilerine qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 144-babynyń 6-tarmaǵyna sáıkes buıyramyn:
1. Qosa berilip otyrǵan «Densaýlyq saqtaý obektilerine qoıylatyn sanıtarııalyq-epıdemıologııalyq talaptar» sanıtarııalyq qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúnnen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstriniń m.a. M.QUSAIYNOV
«KELISILGEN»
Qazaqstan Respýblıkasynyń Densaýlyq saqtaý jáne áleýmettik damý mınıstri
___________ T. Dúısenova
2015 jylǵy « »
«KELISILGEN»
Qazaqstan Respýblıkasynyń Energetıka mınıstri
___________ V. Shkolnık
2015 jylǵy « »
Qazaqstan Respýblıkasynyń Ulttyq ekonomıka mınıstri mindetin atqarýshysynyń
2015 jylǵy 24 aqpandaǵy № 127 buıryǵymen bekitilgen
«Densaýlyq saqtaý obektilerine qoıylatyn
sanıtarııalyq-epıdemıologııalyq talaptar» sanıtarııalyq qaǵıdalary
1. Jalpy erejeler
1. Osy «Densaýlyq saqtaý obektilerine qoıylatyn sanıtarııalyq-epıdemıologııalyq talaptar» sanıtarııalyq qaǵıdalary (budan ári – Sanıtarııalyq qaǵıdalar) densaýlyq saqtaý obektilerine qoıylatyn sanıtarııalyq-epıdemıologııalyq talaptardy belgileıdi.
2. Osy Sanıtarııalyq qaǵıdalar:
1) úı-jaılardy jáne jabdyqtardy kútip-ustaý;
2) medısınalyq qaldyqtardy jınaý, zalalsyzdandyrý, tasymaldaý, saqtaý jáne kómý;
3) naýqastardy tamaqtandyrýdy uıymdastyrý, sondaı-aq medısına personalynyń eńbek jaǵdaılary;
4) medısınalyq maqsattaǵy buıymdardy sterıldeý jáne dezınfeksııalaýdy júrgizý;
5) sanıtarııalyq-epıdemııaǵa qarsy (profılaktıkalyq) is-sharalardy uıymdastyrý jáne júrgizý kezinde densaýlyq saqtaý obektilerine qoıylatyn sanıtarııalyq-epıdemıologııalyq talaptardy qamtıdy.
3. Osy Sanıtarııalyq qaǵıdalarda mynadaı uǵymdar paıdalanylady:
1) ambýlatorııalyq-emhanalyq kómek kórsetetin medısınalyq uıym – syrqattanýshylyqtyń aldyn alý jáne ony tómendetý, naýqastardy anyqtaý, aýrýhanaǵa jatqyzý, naýqastardy stasıonarlyq qadaǵalaýmen, tekserýmen, emdeýmen jáne oqshaýlaýmen baılanysty emes bilikti medısınalyq kómek kórsetý boıynsha profılaktıkalyq qyzmetti júzege asyratyn sharýashylyq etýshi densaýlyq saqtaý sýbektileri;
2) antıseptık – mıkrobtardy joıý maqsatynda terige nemese tinge qoldanýǵa arnalǵan mıkrobqa qarsy hımııalyq agent;
3) antıseptıka – emdeýdi qamtamasyz etý jáne ınfeksııalyq úderistiń damýynyń aldyn alý maqsatynda teridegi, shyryshty qabyqshalardaǵy, jaralar men qýystardaǵy áleýetti qaýipti mıkroorganızmderdiń tirshilik etýine bóget jasaý nemese joıý tásilderiniń jıyntyǵy;
4) aseptıkalyq bólimshe – naýqasta irińdi ınfeksııa bolmaǵanda medısınalyq kómek kórsetýge arnalǵan úı-jaılar;
5) aseptıkalyq rejım – mıkrobtardyń jaraǵa túsýiniń aldyn alatyn sanıtarııalyq-tehnıkalyq jáne sanıtarııalyq-gıgıenalyq is-sharalar kesheni;
6) boks – syrttan naýqas kelip túsýine arnalǵan, jeke esigi bar úı-jaı. Onyń quramyna: palata, sanıtarııalyq torap, vanna jáne shlıýz kiredi;
7) densaýlyq saqtaý obektileri – densaýlyq saqtaý uıymdary ózderiniń qyzmetin júzege asyratyn obektiler jáne densaýlyq saqtaý salasynda medısınalyq praktıkamen aınalysatyn jeke tulǵalar;
8) jeke bosandyrý palatasy nemese birge bolý palatasy – bosanatyn bir áıeldi bosandyrýǵa arnalǵan, sanıtarııalyq toraby bar, bosanǵan áıel jańa týǵan nárestesimen stasıonardan shyqqanǵa deıin bolatyn, jabdyqtalǵan úı-jaı;
9) jyljymaly medısınalyq obekt – arnaıy medısınalyq jabdyq ornatylǵan, dáriger mamandardyń kabınetteri bar kólik quraldary (avtomobıl, temirjol, teńiz, ózen) bazasynda ornalasqan utqyr konsýltasııalyq-dıagnostıkalyq densaýlyq saqtaý obektisi;
10) zalalsyzdandyrýdyń arnaıy qurylǵysy – órteýdi, usaqtaıtyn avtoklavırleýdi, qysqa tolqyndy óńdeýdi, plazmalyq óńdeýdi, hımııalyq yqpal etýdi jáne/nemese basqa ádisterdi paıdalanatyn, medısınalyq qaldyqtardy zalalsyzdandyrýǵa arnalǵan jabdyq.
11) qaldyqtardy zalalsyzdandyrý – qaldyqtardyń qaýipti qasıetterin mehanıkalyq, fızıkalyq-hımııalyq jáne bıologııalyq óńdeý jolymen azaıtý nemese joıý;
12) qaýipti emes qaldyqtar – qaýipti qasıetterge ıe emes qaldyqtar – A synyby;
13) medısınalyq qaldyqtar – medısınalyq qyzmetter kórsetý jáne medısınalyq mapıpýlıasııalar júrgizý úderisinde paıda bolatyn qaldyqtar;
14) medısınalyq qaldyqtardy qaýipsiz jınaýǵa jáne kádege jaratýǵa arnalǵan konteıner (budan ári – QJKJK) – medısınalyq qaldyqtardy jınaýǵa jáne qaýipsiz kádege jaratýǵa arnalǵan sý ótkizbeıtin jáne tesilmeıtin, bir ret qoldanylatyn syıymdylyqtar;
15) radıoaktıvti qaldyqtar – quramynda Qazaqstan Respýblıkasynyń atom energııasyn paıdalaný salasyndaǵy zańnamalarymen belgilengen, radıoaktıvti zattar úshin reglamenttelgen mánnen asatyn mólsherde jáne konsentrasııada radıoaktıvti zattar bar qaldyqtar – D synyby;
16) sanıtarııalyq-epıdemııaǵa qarsy rejım – densaýlyq saqtaý obektilerinde ınfeksııalyq jáne parazıttik aýrýlardyń aldyn alý jáne taratylýy jónindegi is-sharalar kesheni;
17) seriktestik bosandyrý – bosanatyn áıelge jaqyn adamdardyń bosaný barysynda birge bolýy jáne qatysýy;
18) toksıkologııalyq qaýipti qaldyqtar – paıdalanýǵa jatpaıtyn qaldyqtar (dárilik, onyń ishinde sıtostatıkter, dıagnostıkalyq, dezınfeksııalaý quraldary), quramynda synap bar zattar, aspaptar men jabdyq, farmasevtıkalyq óndiristerdiń shıkizattary men ónimderiniń qaldyqtary, jabdyqty, kólikti, jaryqtandyrý júıelerin paıdalaný qaldyqtary) – G synyby;
19) tótenshe epıdemıologııalyq qaýipti qaldyqtar – ınfeksııalyq aýrýlarmen aýyratyn naýqastarmen janasqan, halyqtyń sanıtarııalyq-epıdemıologııalyq salaýattylyǵy salasynda tótenshe jaǵdaılardyń paıda bolýyna alyp kelýi múmkin jáne aýmaqty sanıtarııalyq qorǵaý boıynsha is-sharalardy júrgizýdi talap etetin materıaldar, patogendigi I-II toptardyń mıkroorganızmderimen jumys isteıtin zerthanalardyń, farmasevtıkalyq jáne ımmýndyq bıologııalyq óndiristerdiń qaldyqtary, ftızıatrııalyq stasıonarlardyń emdeý-dıagnostıkalyq bólimsheleriniń qaldyqtary, anaerobty ınfeksııaly pasıentterdiń qaldyqtary, týberkýlez qozdyrǵyshtarymen jumysty júzege asyratyn mıkrobıologııalyq zerthanalardyń qaldyqtary) – V synyby;
20) shlıýz – aýanyń bir úı-jaıdan ekinshisine ótkizbeıtin jáne aýanyń lastaný deńgeıleri ár túrli úı-jaılar arasynda ornalastyrylǵan sanıtarııalyq-tehnıkalyq qurylǵylary (qol jýýǵa arnalǵan rakovına, aýaýny zararsyzdandyratyn qurylǵy) bar úı-jaı;
21) epıdemıologııalyq qaýipti qaldyqtar – ınfeksııalanǵan jáne áleýetti ınfeksııalanǵan qaldyqtar (qanmen jáne basqa da bıologııalyq suıyqtyqtarmen lastanǵan materıaldar jáne aspaptar, zattar, patologoanatomııalyq qaldyqtar, organıkalyq operasııalyq qaldyqtar: aǵzalar, tinder, ınfeksııalyq bólimshelerdiń tamaq qaldyqtary, patogendigi III-IV toptardyń mıkroorganızmderimen jumys isteıtin mıkrobıologııalyq, klınıkalyq-dıagnostıkalyq zerthanalardyń, farmasevtıkalyq, ımmýndyq bıologııalyq óndiristerdiń qaldyqtary, vıvarıılerdiń bıologııalyq qaldyqtary, paıdalanýǵa jaramsyz tiri vaksınalar) – B synyby;
2. Densaýlyq saqtaý obektilerin paıdalanýǵa qoıylatyn
sanıtarııalyq-epıdemıologııalyq talaptar
4. Sanıtarııalyq-epıdemıologııalyq qorytyndy bar bolǵan jaǵdaıda ǵana densaýlyq saqtaý obektileri salýǵa jer ýchaskesin tańdaýǵa, jobalaýǵa, qaıta qurý, rekonstrýksııalaýǵa jáne paıdalanýǵa ruqsat etiledi.
5. Qurylysty jobalaý kezinde topyraǵynda organıkalyq, hımııalyq, radıasııalyq sıpattaǵy lastanýlary bar, buryn qoqys úıindilerine, assenızasııa alqaptaryna, mal qorymdaryna, beıitterge paıdalanylǵan aýmaqtardaǵy jer ýchaskelerin bólýge jol berilmeıdi.
6. Densaýlyq saqtaý obektileri ónerkásiptik jáne azamattyq maqsattaǵy obektilerden qashyqtaǵy turǵyn úı salynǵan aýmaqtarda, kókjelek nemese qala mańyndaǵy aımaqtarda osy Sanıtarııalyq qaǵıdalardyń talaptaryna sáıkes ornalasýy tıis.
7. Bolý rejımi erekshe naýqastarǵa arnalǵan mamandandyrylǵan densaýlyq saqtaý obektilerin (psıhıatrııalyq, týberkýlezge qarsy, narkologııalyq) jáne naýqastardyń uzaq ýaqyt boıy bolýyna arnalǵan qýaty 1000 tósekten astam keshenderdi qala mańyndaǵy aımaqqa nemese shetkeri aýdandarǵa, múmkindiginshe – qonystaný aýmaǵynan keminde 500 metr (budan ári – m) qashyqtyqty saqtaı otyryp, jasyl alqaptarda ornalastyrý kerek.
8. Densaýlyq saqtaý obektileriniń aýmaǵy arqyly magıstraldyq ınjenerlik kommýnıkasııalardyń (sýmen jabdyqtaý, sý burý, jylýmen jabdyqtaý, elektrmen jabdyqtaý) ótýine jol berilmeıdi.
9. Densaýlyq saqtaý obektileriniń negizgi jáne qosalqy úı-jaılarynyń jıyny men alańy jobalaý tapsyrmasyna jáne qoldanystaǵy «Emdeý-saýyqtyrý mekemeleri» qurylys normalary men erejelerine sáıkes belgilenedi.
10. Úı-jaılardyń qurylymy, josparlanýy jáne jabdyqtalýy tehnologııalyq prosesterdiń aǵymdylyǵyn qamtamasyz etedi jáne epıdemıologııalyq qaýiptilik dárejesi ártúrli aǵymdardyń qıylysý múmkindigin boldyrmaıdy.
11. Selolyq eldi mekenderde dárigerlik ambýlatorııalardy, feldsherlik-akýsherlik pýnktterdi, medısınalyq pýnktterdi bir nemese birneshe eldi mekenderge qyzmet kórsetetinin eskere otyryp, turǵyn úı jáne qoǵamdyq ǵımarattarda ornalastyrýǵa jol beriledi. Turǵyn úılerge ornalastyrylǵan jaǵdaıda daladan kiretin jeke esik qarastyrylýy tıis.
12. Turǵyn úı jáne qoǵamdyq ǵımarattarǵa, olardyń ishine jáne japsarlas salynǵan úı-jaılarǵa jeke kirý esigi bolǵan jaǵdaıda ınfeksııalyq aýrýlarmen aýyratyn naýqastarǵa jáne alkogoldik jáne esirtkilik táýeldilikke túsken adamdarǵa qyzmet kórsetýge arnalǵandardy qospaǵanda, qýaty aýysymyna 150 kelýshiden aspaıtyn ambýlatorııalyq-emhanalyq kómek kórsetetin, onyń ishinde kúndizgi stasıonarlary (emdelýshiler 5 táýlikke deıin bolatyn) bar uıymdardy, ambýlatorııalyq hırýrgııa ortalyqtaryn ornalastyrýǵa jol beriledi.
13. Turǵyn úı jáne qoǵamdyq ǵımarattarda pasıentter táýlik boıy bolatyn stasıonarlar, mıkrobıologııalyq (vırýsologııalyq, parazıtologııalyq) zerthanalar, magnıttik-rezonanstyq tomografııa bólimsheleri ornalastyrylmaıdy.
14. Magnıttik-rezonanstyq tomografııaǵa arnalǵan úı-jaıdy júkti áıelderge, balalarǵa jáne kardıologııalyq naýqastarǵa arnalǵan palatalarmen kórshiles (kóldeneń jáne tiginen) ornalastyrýǵa jol berilmeıdi.
15. Ǵımarattardyń sokoldik jáne jertóle qabattarynda naýqastarǵa arnalǵan qabyldaý jáne palatalyq bólimsheler, elektrlik-jaryqpen emdeý, bosandyrý, ota jasaý, baılap-tańý, emshara kabınetteri, sheberhanalar, ýly, áseri kúshti, tez tutanatyn jáne janatyn suıyqtyqtar saqtaıtyn qoımalar ornalastyrylmaıdy.
Rentgen kabınetteriniń turǵyn úı jáne palata úı-jaılarynyń tikeleı astyńǵy qabatynda ornalasýyna jol berilmeıdi.
16. Qoǵamdyq jáne turǵyn úı ǵımarattarynyń jertóle jáne sokoldik qabattarynda stomatologııalyq obektiler ornalastyrylmaıdy.
17. Bıiktigi eki qabattan asatyn ǵımarattar lıftilermen jabdyqtalady. Bul rette «las» jáne «taza» aǵyndardyń qıylysýynyń aldyn alý, naýqastardy, kelýshilerdi tasymaldaý, naýqastarǵa tamaq jetkizý úshin lıftilerdi «las dep esepteletin» jáne «taza dep esepteletin» lıftiler dep belgilegen jón.
18. Kóp beıindi aýrýhanalardyń quramyna kiretin ınfeksııalyq, psıhıatrııalyq, teri-venerologııalyq, týberkýlezge qarsy bólimsheler bólek turǵan ǵımarattarǵa ornalastyrylady.
19. Infeksııalyq jáne týberkýlezge qarsy bólimshelerde kólik kiretin (adam kiretin) jeke kireberis jáne kólikti dezınfeksııalaýǵa arnalǵan alań jasalady.
20. Obektilerdiń ǵımarattary ortalyqtandyrylǵan sýyq, ystyq sýmen jabdyqtaý jáne káriz júıelerine qosylady.
21. Eldi mekende ortalyqtandyrylǵan sýmen jabdyqtaý júıesi bolmaǵan jaǵdaıda tasymaldanatyn sý nemese sý obektileri qaýipsizdiginiń sanıtarııalyq-epıdemıologııalyq talaptaryna sáıkes keletin jergilikti júıe qurylǵysynyń sýy paıdalanylady.
22. Densaýlyq saqtaý obektileriniń palatalarynda, kabınetterinde, ájethanalarynda, emshara bólmelerinde, tańyp-baılaý, qosalqy úı-jaılarynda aralastyrǵysh arqyly ystyq jáne sýyq sý keltirilgen rakovınalar ornatylady.Quraldarǵa óńdeý júrgiziletin kabınetterde qol jýýǵa arnalǵan jeke rakovına jáne quraldardy óńdeýge arnalǵan jýý uıashyǵy kózdeledi.
23. Operasııa aldy, tańyp-baılaý, bosandyrý zaldary, reanımasııa zaldary, emshara kabınetteri, jańa týǵan náresteler palatalary janyndaǵy meıirbıkeler postylary, hırýrgııalyq, gınekologııalyq kabınetter, bokstar, jartylaı bokstardyń shlıýzderi, zerthanalar shyntaq krandary qondyrǵysy bar qoljýǵyshtarmen, suıyq antıseptıkalyq sabyny men antıseptıkter eritindisi bar shyntaq dozatorlarymen jabdyqtalady.
24. Ana men balany qorǵaý uıymdarynda hırýrgııalyq jáne ınfeksııalyq stasıonarlarda árbir bólimshege kireberiste qoldy óńdeý úshin antıseptigi bar shyntaq dozatorlary ornatylady.
Medısına personaly qoldy óńdeý úshin antıseptigi bar jeke dozatorlardy qosymsha paıdalanady.
25. Jańa týǵan náresteler palatalarynda balalardy jýyndyrý úshin keń tostaǵany bar jáne aralastyrǵysh arqyly ystyq jáne sýyq sý kelip turatyn rakovına ornatylady.
26. Ortalyqtandyrylǵan ystyq sýmen jabdyqtaý bolmaǵan jaǵdaıda, sanıtarııalyq ótkizgishterde, operasııa aldy jáne bosandyrý zaldarynda, emshara, tańyp-baılaý, egý kabınetterinde, sterıldeý, jańa týǵan náresteler jáne bir jasqa deıingi balalar bólimshelerinde, sanıtarııalyq-turmystyq bólmelerde, jýý, býfet, taratý, as bloktarynda, kir jýatyn oryndarda úzdiksiz jumys isteıtin sý jylytqyshtar ornatylady.
27. Obektini kárizdelmegen jáne ishinara kárizdelgen eldi mekenderge ornalastyrǵan jaǵdaıda jergilikti káriz júıesi jáne shyǵarylatyn tazartý júıesi kózdeledi. Sarqyndy sýlardy qabyldaýǵa arnalǵan sý ótkizbeıtin ydys (or) qaqpaqpen jabdyqtalady, sharýashylyq aımaǵynda ornalastyrylady jáne kóleminiń úshten ekisi tolýyna qaraı tazartylady.
28. Obektilerdiń sarqyndy sýlaryn tazalaý jáne zararsyzdandyrý jalpy qalalyq kárizdik tazalaý qurylystarynda júzege asyrylady. Infeksııalyq jáne týberkýlezge qarsy stasıonarlarda (bólimshelerde) jergilikti tazartý qurylystary kózdelýi qajet.
29. Infeksııalyq, týberkýlez, teri-venerologııalyq bólimshelerde bokstardyń, jartylaı bokstardyń shlıýzderinde jáne dárethanalarda personalǵa arnalǵan shyntaqty nemese janaspaı aǵatyn shúmekteri bar qol jýǵyshtar ornatylýy qajet, sondaı-aq barlyq dárethanalarda jýǵysh baktar úshin pedaldy aǵyzǵysh kózdeledi.
30. Balshyqpen emdeýdiń balshyq emsharalary men balshyq asúıleri úı-jaılarynyń sarqyndy sýlaryn aǵyzý balshyq tundyrǵyshtardaǵy arnaıy joldar arqyly júzege asyrylady. Gıps daıyndaýǵa arnalǵan úı-jaılardaǵy qol jýǵyshtyń astyna gıps tundyrǵysh jabdyqtalady. Gıps daıyndaýǵa arnalǵan úı-jaılarda qol jýǵysh astynda syıymdylyǵy 0,1 m3 (budan ári - m3) bolatyn qondyrǵy kózdelýi kerek.
31. As blogynyń óndiristik sarqyndy sýlaryn tazalaý úshin obektilerde maı jınaǵyshtar ornatylady.
32. Edendegi sarqyndy sýǵa arnalǵan traptar dáret ydystaryn jýýǵa jáne dezınfeksııalaýǵa, jınaý múkámmalyn, as blogynyń negizgi sehtary men kir jýý oryndaryn óńdeýge arnalǵan eńispen jaraqtandyrylady.
33. Sý qubyry jáne káriz júıeleriniń qubyrlary uzyndyǵy boıynsha qaptarmen jabylady jáne jýý men dezınfeksııalaý quraldaryna tózimdi materıaldan jasalady.
34. Obektilerdiń úı-jaılarynda tabıǵı jaryqtandyrý kózdeledi.
35. Kókjıektiń ońtústik rýmbalaryna baǵdarlanǵan terezeler kúnnen qorǵaý qurylǵylarymen (kúnqaǵarlar, jalıýzder) jabdyqtalady.
36. Jasandy jaryqtandyrý barlyq úı-jaılarda kózdeledi.
37. Tóbelerge ornatylatyn jaryqtandyrý shamshyraqtary tutas (jabyq) plafondarmen jabdyqtalady.
38. Palatalardy jaryqtandyrý úshin (balalar men psıhıatrııalyq bólimshelerdi qospaǵanda) árbir tósektiń janyna eden deńgeıinen 1,7 m bıiktikke ornatylatyn, qabyrǵaǵa iletin quramdas shamshyraqtar (jalpy jáne jergilikti jaryqtandyrý) qoldanylady.
39. Qoıma úı-jaılaryn, sanıtarııalyq toraptardy, klızma, jeke gıgıena bólmelerin, personalǵa arnalǵan sebezgi jáne kıim iletin oryn, termostat, mıkrobıologııalyq bokstardy, operasııa aldy jáne operasııalyq, apparat, narkoz bólmelerin, fotozerthanalardy jáne paıdalaný qaǵıdalary tabıǵı jaryqtandyrýdy talap etpeıtin basqa da úı-jaılardy ekinshi jaryqpen jaryqtandyrýǵa nemese jasandy jaryqtandyrýǵa ǵana jol beriledi.
40. Palataly seksııalardyń (bólimshelerdiń) dálizderinde ǵımarattyń janyndaǵy qabyrǵasyndaǵy jáne jaryq qaltalaryndaǵy (holdardaǵy) terezeler arqyly júzege asyrylatyn tabıǵı jaryqtandyrý bolýy tıis. Jaryq qaltalary arasyndaǵy araqashyqtyq 24 m jáne qaltaǵa deıin 36 m aspaýǵa tıis. Emdeý-dıagnostıkalyq jáne qosalqy bólimshelerdiń dálizderi janynan jáne búıirden jaryqtandyrylýy tıis.
41. Densaýlyq saqtaý obektileri úı-jaılaryn tabıǵı jáne jasandy jaryqtandyrylýy osy Sanıtarııalyq qaǵıdalarǵa 1-qosymshaǵa sáıkes parametrlermen belgilenedi.
42. Densaýlyq saqtaý obektileriniń úı-jaılaryndaǵy mıkroklımat pen aýa ortasynyń tıimdi jaǵdaılary jeldetý, aýa baptaý jáne jylytý júıelerimen qamtamasyz etiledi. Sorý-syrtqa taratýdyń jeldetkish júıeleri tazalyq synybyna sáıkes úı-jaılar toptaryna qyzmet kórsetedi.
43. Jeldetkish jáne aýa ótkizgishterdiń aýa baptaý júıelerin profılaktıkalyq tekserý, jóndeý, mehanıkalyq sorý-syrtqa taratý jeldetkishi jáne aýa baptaý júıelerin tazartý jáne dezınfeksııalaý bekitilgen kestege sáıkes júrgiziledi.
44. Ǵımarattar jasandy iske qosylatyn sorý-syrtqa taratý jeldetkish júıelerimen jabdyqtalady.
Infeksııalyq, onyń ishinde týberkýlezge qarsy stasıonarlarda (bólimshelerde), árbir boks pen jartylaı bokstyń palataly seksııalarynda gravıtasııalyq iske qosylatyn derbes sorý júıesi ornatylady. Infeksııalyq bólimshelerde jasandy iske qosylatyn sorý-syrtqa taratý jeldetkishi bolmaǵan jaǵdaıda, árbir boks pen jartylaı boksty aýany resırkýlıasııalyq túrde zararsyzdandyrý qurylǵysymen jaraqtandyrylǵan tabıǵı jeldetkishpen jabdyqtalady.
45. Densaýlyq saqtaý obektilerinde basshynyń buıryǵymen aýany jeldetý jáne baptaý júıelerin paıdalanýǵa, jeldetkish júıeleriniń josparly-profılaktıkalyq jóndeý kestesiniń oryndalýyna jaýapty adam taǵaıyndalady.
46. Operasııalyq úı-jaılardan basqa barlyq úı-jaılarda mehanıkalyq iske qosylatyn sorý-syrtqa taratý jeldetkishinen basqa tabıǵı jeldetkish bolýy tıis.
47. Týberkýlezge qarsy uıymnyń jeldetý jáne aýa baptaý júıeleri úshin syrttan aýa jınaý jer betinen kem degende 3 m bıiktiktegi taza aımaqtan, aýany shyǵarý keminde 2 m bıiktikte júrgiziledi.
48. Operasııalyq, narkoz, bosandyrý bólmesine, reanımasııalyq, operasııadan keıingi palatalarǵa, qarqyndy terapııa palatalaryna, teri kúıigi jáne ımmýn tapshylyǵy bar onkogematologııalyq naýqastarǵa arnalǵan palatalarǵa beriletin aýa tazalaý dárejesi joǵary bakterısıdti aýa súzgileriniń kómegimen zararsyzdandyrylady (keminde 95%).
49. Operasııalyq, qarqyndy terapııa, reanımasııa, bosandyrý palatalarynda, emshara, zerthanalarda medısınalyq jabdyqty paıdalaný aýaǵa zııandy zattardy bólýmen qosa júretin úı-jaılarda jergilikti sorǵy qurylǵysy nemese sorý shkafy qondyrǵysy qarastyrylady. Preparattardyń ártúrli boıaýdyń kúrdeli ádistemelerin qoldanatyn zerthanalarda bıologııalyq qaýipsizdik shkaftary ornatylady.
50. Massaj kabınetteri saǵatyna aýany bes ret almastyratyn sorý-syrtqa taratý jeldetkishimen qamtamasyz etiledi.
51. Operasııalyq, narkoz, bosandyrý bólimshelerinde, operasııadan keıingi palatalarda, qarqyndy terapııa palatalarynda, onkogematologııalyq naýqastar, JITS-pen aýyratyn naýqastar, teri kúıigi bar naýqastar palatalarynda, reanımasııalyq, sondaı-aq jańa týǵan nárestelerge, emshektegi sábılerge, shala týǵan balalarǵa, jaraqat alǵan balalarǵa arnalǵan palatalarda aýany baptaý kózdeledi. Kıývezdermen tolyǵymen jabdyqtalǵan palatalarda aýa baptaýǵa jol berilmeıdi.
52. Epıdemııaǵa qarsy erekshe rejımdi saqtaýdy talap etetin úı-jaılarda tıimdiligi joǵary súzgiler bolǵan jaǵdaıda splıt-júıeni paıdalanýǵa jol beriledi.
53. Aýa almasý jıiligi belgilengen tazalyqty qamtamasyz etý esebinen jáne aýanyń gaz quramyn ustap turýyna qaraı tańdalady. Aýanyń salystyrmaly ylǵaldylyǵy 60%, aýa qozǵalysynyń jyldamdyǵy sekýndyna 0,15 metrden (budan ári - m/sek) aspaýy tıis.
54. Aýa ótkizgishter, torlar, jeldetkish kameralary taza kúıinde ustalýy tıis, mehanıkalyq zaqymdalmaǵan, totyǵý izderi, tumshalanýy buzylmaǵan bolýy tıis. Sorý-syrtqa taratý jeldetkishiniń (aýa baptaýdyń) aýa ótkizgishteriniń úı-jaıǵa aýa ótkizgish materıalynyń, qorǵanysh jabynynyń bólshekterin shyǵarýdy boldyrmaıtyn ishki betteri bolýy tıis. Ishki jabynnyń sińirý qasıetterine ıe emes materıaldan jasalýy tıis. Jeldetý júıelerin tazartý jáne dezınfeksııalaý emdeý mekemesi bekitken kestege sáıkes júrgiziledi.
55. Jalpy almasymdy sorý-syrtqa taratý jáne jergilikti sorý qondyrǵylary jumys bastalardan bes mınýt buryn qosylady jáne jumys aıaqtalǵan soń bes mınýttan keıin ajyratylady.
56. Barlyq úı-jaılarǵa aýa joǵarǵy aımaqqa, sterıldi úı-jaılarǵa lamınarlyq nemese álsiz týrbýlentti aǵynmen 0,15 m/sek jyldamdyqpen beriledi.
57. Jeldetkish júıesiniń jabdyǵy syrtqa taratý jáne sorý júıeleri úshin bólek jáne dárigerler kabınetterine, operasııalyq bólimge, palatalarǵa jáne adamdar únemi bolatyn basqa da úı-jaılarǵa jalǵaspaıtyn arnaıy úı-jaılarda ornalastyrylady.
58. Sorý júıelerine arnalǵan úı-jaılarda bir saǵatta bir márte aýa almasatyn sorý jeldetkishi, syrtqa taratý júıesine arnalǵan úı-jaılarda eki márte aýa almasatyn syrtqa taratý júıesi bolýy tıis.
59. Aseptıkalyq úı-jaılarda aýa ótkizgishterdiń, qubyrlardyń, armatýranyń jasyryn tósemi júzege asyrylady.
60. Avtoklav, sebezgi bar bólmeler, dárethanalar, sanıtarııalyq bólmeler, las kıim-keshekterdi, qaldyqtardy ýaqytsha saqtaýǵa arnalǵan úı-jaılar jáne dezınfeksııalyq quraldardy saqtaýǵa arnalǵan qoımalar uıymdastyrylǵan aýa aǵymynyń qurylǵysy joq jasandy iske qosylatyn sorý jeldetkishimen jabdyqtalady.
61. Sorý-syrtqa taratý jeldetkishi men aýa baptaýdyń derbes júıeleri myna úı-jaılar úshin kózdeledi: operasııalyq bloktar, reanımasııa zaldary men qarqyndy terapııa palatalary (septıkalyq jáne aseptıkalyq bólimsheler úshin bólek), bosandyrý zaldary (bosandyrý palatalary), jańa týǵan náresteler palatalary, onkogematologııalyq, dıalızdik, kúıik bólimsheleri, tańý bólmeleri, jekelegen palatalyq seksııalar, rentgen kabınetteri.
62. Týberkýlezge qarsy stasıonarlarda (bólimshelerde):
1) jeldetý júıesi palatalarda saǵatyna keminde alty eselik aýa almasýdy jáne aerozol quraıtyn emsharalardy oryndaýǵa arnalǵan úı-jaılarda (qaqyryq jınaý bólmesi, bronhoskopııa) ıis turyp qalǵan aımaqtardyń paıda bolýyn boldyrmaı on eki eselik aýa almasýdy qamtamasyz etedi;
2) rotorlyq nemese plastınalyq túrdegi rekýperatorlardy paıdalanýǵa jol berilmeıdi;
3) qaýiptiligi joǵary aımaqtarǵa jáne 1-2-synyptaǵy bıologııalyq qaýipsizdik shkaftaryna qyzmet kórsetetin sorý qondyrǵylary NERA-súzgilerdi nemese qarqyndylyǵy jetkilikti bakterısıdti ýltrakúlgin sáýlelenýdi qoldaný arqyly aýany zararsyzdandyrýǵa arnalǵan qurylǵylarmen jabdyqtalady;
4) qabataralyq jelilerdi bir tik kollektormen biriktirýge jol berilmeıdi;
5) aýany berýge jáne shyǵarýǵa arnalǵan jabdyqtar qarama-qarsy qabyrǵalarda ornalastyrylady;
6) úı-jaılardyń jáne shlıýzderdiń barlyq esikteri avtomatty túrde jabylatyn qurylǵylarmen, palatalardyń jáne bokstardyń esikteri (esiktiń tómengi jaǵynan) aýa kirýi úshin jeldetkish torlarmen jabdyqtalady;
7) kóptegen dári-dármekke turaqty mıkobakterııasy bar týberkýlezben aýyratyn naýqastarǵa arnalǵan bólimshelerdegi derbes sorý jeldetkishi árbir palatada gravıtasııalyq iske qosylatyn jáne deflektor qondyrǵysymen ornatylady. Osy bólimshelerdegi sorý jeldetkishi mehanıkalyq iske qosylatyn jáne dálizge aýa berý arqyly kózdeledi;
8) sorý aýasynyń shyǵyny bir tósekke saǵatyna keminde 80 tekshe metr (budan ári – m3/saǵ) quraýy tıis. Bakterııa bólmeıtin naýqastarǵa arnalǵan palatalar sorý aýasy kóleminiń 80%-yn aýany syrtqa taratý shyǵyndaıtyn sorý-syrtqa taratý jeldetkishimen jabdyqtalady;
9) baspaldaq alańdary, lıft shahtalary, kótergishterdiń dińgekteri aýany syrtqa shyǵarýy basym derbes syrtqa taratý jeldetkishimen jabdyqtalady.
63. Obektiler ortalyqtandyrylǵan jylytý júıesine qosylady nemese jeke jylý kózin paıdalanady.
64. Densaýlyq saqtaý obektileri úı-jaılarynyń, onyń ishinde kúndizgi stasıonardyń temperatýrasy, aýa almasý jıiligi, tazalyǵy boıynsha sanaty osy Sanıtarııalyq qaǵıdalarǵa 2-qosymshada belgilengen parametrlerge sáıkes keledi.
65. Densaýlyq saqtaý obektileriniń fýnksıonaldyq maqsatyna jáne olardyń tazalyq synybyna baılanysty úı-jaılardaǵy aýa ortasynyń bakterııalyq tuqymdalýynyń ruqsat etilgen deńgeıleri osy Sanıtarııalyq qaǵıdalarǵa 3-qosymshada belgilengen parametrlerge sáıkes keledi.
66. Aýadaǵy dárilik zattardyń qaýiptilik synyptary ádistemeleri bolǵan jaǵdaıda qoldanylatyn dárilik zattardyń ataýyna sáıkes aıqyndalady.
67. Aǵymdyq ylǵaldy dezınfeksııa jasalatyn, ylǵaldy jumys rejımi bar úı-jaılarda (operasııalyq, tańyp-baılaý, bosandyrý, operasııa aldy, narkoz beretin, emshara, manıpýlıasııalyq, mıkobakterııalary kóptegen dárilerge tózimdi týberkýlezben aýyratyn naýqastarǵa arnalǵan stasıonardyń egý, úı-jaılary, sondaı-aq vanna, sebezgi bólmeleri, sanıtarııalyq toraptar, klızma jasaıtyn, las kıim-keshekti saqtaýǵa jáne bólshekteýge arnalǵan úı-jaılar) qabyrǵalary áshekeıli taqtalarmen nemese basqa da ylǵalǵa tózimdi materıaldarmen barlyq bıiktigi boıynsha qaptalady.
68. Úı-jaılar qabyrǵalarynyń, edenderi men tóbeleriniń betteri tegis, aqaýsyz, ylǵaldy jýýǵa qolaıly jáne jýý men dezınfeksııalaý quraldarymenóńdeýge tózimdi materıaldardan jasalady.
Panelderdi paıdalanǵan kezde olardyń konstrýksııasy tegis betti qamtamasyz etedi.
69. Aǵymdaǵy aqaýlardy joıý (tóbelerdegi jáne qabyrǵalardaǵy sý ótýin, syz, kógerý izderin joıý, jaryq, tesik, shuńqyrlardy biteý, qoparylyp túsip qalǵan óńdegish plıtkany, eden jabyndylarynyń aqaýlaryn jáne t.b. qaıta qalpyna keltirý) shapshań júrgizilýi tıis.
70. Palatalardyń, dárigerler kabınetteriniń, holdardyń, vestıbıýlderdiń, ashanalardyń, fızıoterapııalyq, emdik-dıagnostıkalyq kabınetterdiń qabyrǵalaryn boıaý úshin nıtroboıaýlardy qoldanýǵa jol berilmeıdi.
71. Vestıbıýlderde edendi jabý úshin mehanıkalyq áserge tózimdi materıal, operasııalyq, narkoz jasaıtyn, bosandyrý úı-jaılarynda antıstatıkalyq qasıetterge ıe materıal paıdalanylady.
72. Úı-jaılardyń edeni sý ótpeıtin, sińirmeıtin jáne ýytty emes, syrǵanaýdy boldyrmaıtyn, olardy sanıtarııalyq óńdeýge beıim materıaldardan jasalady.
Densaýlyq saqtaý obektilerinde edenderdiń lınoleým jabyndarynyń aqaýlary bolmaıdy, negizine tyǵyz japsyrylǵan tegis bolyp tabylady.
73. Paıdalanylýy qabyrǵalar men qalqalardy yqtımal ylǵaldaýmen baılanysty rakovınalar men basqa da sanıtarııalyq-tehnıkalyq aspaptar, jabdyqtar ornalasqan oryndarda sońǵylaryn edennen 1,6 m bıiktikte jáne jabdyq pen aspaptyń ár jaǵynda enin 20 sm asyrmaı áshekeıli taqtalarmen nemese basqa da ylǵalǵa tózimdi materıaldarmen árleý kózdeledi.
74. Densaýlyq saqtaý obektilerinde kúrdeli jóndeý ýaqytynda naýqastardyń bolýyna ruqsat etilmeıdi.
75. Infeksııalyq, teri-venerologııalyq, týberkýlezge qarsy stasıonarlarda (bólimshelerde), ana men balany qorǵaý obektilerinde kirý esikteri, baspaldaqtar naýqastardy qabyldaý jáne olardan shyǵarý úshin bólek bolýy qajet.
76. Naýqastarǵa arnalǵan palatalardyń, emdeý-dıagnostıkalyq jáne emshara kabınetteriniń janyna shý men diril kózi bolyp tabylatyn medısınalyq jáne ınjenerlik jabdyqty ornatýǵa jol berilmeıdi. Densaýlyq saqtaý obektileriniń úı-jaılaryndaǵy shýdyń ruqsat etiletin deńgeıi osy Sanıtarııalyq qaǵıdalarǵa 4-qosymshamen normalanady.
77. Obektilerde naýqastar men personal úshin bólek dárethanalar kózdelýi tıis.
78. Somatıkalyq aýrýhanadaǵy palataly bólimshelerdiń naýqastaryna arnalǵan sanıtarııalyq aspaptar (shúmekter, rakovınalar, vannalar, ýnıtazdar, pıssýarlar) sany, eger olar palatalarda qarastyrylmaǵan bolsa, erlerdiń sanıtarııalyq torabynda on bes adamǵa bir aspap, áıelderdiń sanıtarııalyq torabynda on adamǵa bir aspap esebinen qabyldanady. Erler dárethanasyndaǵy pıssýarlar sany ýnıtazdar sany boıynsha qabyldanady.
Áıelder palataly seksııalarynyń sanıtarııalyq toraptary aralastyrǵysh arqyly ystyq jáne salqyn sý keltirilgen rakovınamen, sebezgi kabınasymen nemese vannamen, ýnıtazben jáne bıdemen jabdyqtalady.
79. Personalǵa arnalǵan sanıtarııalyq-turmystyq úı-jaılarda:
1) ár bólimshede sanıtarııalyq aspaptar sany áıelder úshin keminde bir aspap jáne erler úshin bir aspap;
2) ınfeksııalyq jáne týberkýlezge qarsy stasıonarlarda (bólimshelerde) on adamǵa bir sebezgi kabınasy, orta jáne kishi personaldyń neǵurlym kóp aýysymynda jumys isteıtin basqa bólimshelerde on bes adamǵa keminde bir sebezgi kabınasy kózdelýi qajet. Personal sany az bolǵan jaǵdaıda bir bólimshege bir sebezgi kabınasy bolýy tıis.
80. Operasııalyq bloktarda (bólimshelerde) ishki úı-jaılardy qatań túrde aımaqtarǵa bólý (sterıldi aımaq, qatań rejım aımaǵy, «las» úı-jaılar aımaǵy) qamtamasyz etiledi. Operasııalyq blokty basqa emdeý korpýstaryna ornalastyrǵan kezde jylytylǵan ótpeler kózdelýi qajet. Kezek kúttirmeıtin hırýrgııaǵa arnalǵan operasııalyq bólimshelerdi qabyldaý bólimsheleriniń quramynda ornalastyrýǵa bolady.
81. Operasııalyq bloktardy biriniń ústine birin ornalastyrǵan kezde septıkalyq operasııalyq bloktar aseptıkalyqtan joǵary ornalastyrylady.
82. Operasııalyq bloktar (bólimsheler) ári-beri ótetin jolda bolmaýy tıis. Personaldyń kirýi sanıtarııalyq ótkizgishter arqyly, naýqastar úshin shlıýzder arqyly kózdeledi.
83. Personalǵa arnalǵan sanıtarııalyq ótkizgishter úsh kórshiles úı-jaı quramynda jobalanady. Birinshi úı-jaı sebezgimen, sanıtarııalyq torappen jabdyqtalady. Ekinshi úı-jaı taza hırýrgııalyq kostıýmder, aıaq kıimder, bahılalar kııý úshin paıdalanylady. Operasııa ótkizgennen keıin personal úshinshi úı-jaı arqyly paıdalanylǵan kıim-keshekti jınaýǵa arnalǵan sanıtarııalyq ótkizgishke qaıta oralady.
84. Operasııalyq blokta (bólimshede) mynadaı aǵyndardyń qozǵalysy kózdelýi kerek: «sterıldi» (operasııa jasaıtyn jáne assıstent bolatyn hırýrgter, operasııalyq meıirbıke), «taza» (anestezıologtar, kishi jáne tehnıkalyq personal, naýqasty, taza kıim-keshekti, dári-dármekterdi jetkizý), «las» (medısınalyq qaldyqtardy, paıdalanylǵan kıim-keshekti, tańý materıalyn shyǵarý).
85. Aseptıkalyq bólimshelerdi (bloktardy) qaterli isikpen aýyratyn naýqastardy qarqyndy hımııalyq emdeýmen, aldyn ala ımmýndyq-depressıvtik emdeý fonynda súıek kemigi men basqa da aǵzalardy transplanttaýmen, jiti sáýle aýrýlarymen, agranýlosıtozben, ımmýn tapshylyǵy jaǵdaıynda ótetin aýrýlarmen aýyratyn naýqastardy emdeýmen aınalysatyn densaýlyq saqtaý obektilerinde uıymdastyrady.
86. Aseptıkalyq bólimshelerge (bloktarǵa) mynalar kiredi: dárethanasy, vannasy nemese sebezgisi bar palatalar, emshara qabyldaý bólmesi, dáriger kabıneti, býfet, sterıldi materıaldy saqtaýǵa arnalǵan úı-jaı jáne bólimsheniń beıinine baılanysty basqa da úı-jaılar.
87. Aseptıkalyq rejımi bar bólimshelerde, sáýlelik dıagnostıka jáne terapııa bólimshelerinde, tehnologııalyq aınalymy jabyq bólimsheler: zerthana, as blogy, ortalyqtandyrylǵan sterıldeý bólimsheleri (budan ári – OSB), dárihana, kir jýatyn oryn ári-beri ótetin jolda bolmaýy tıis.
88. Qan qyzmeti uıymdarynda óndiristik úı-jaılar «taza» jáne «las dep esepteletin» aǵyndardyń qıylysýyn boldyrmaıtyn tehnologııalyq júıelilikti saqtaı otyryp, fýnksıonaldyq bloktar boıynsha jobalanady.
89. Qan komponentterin daıyndaýǵa arnalǵan úı-jaılar qatań túrde maqsatyna baılanysty paıdalanylýy tıis. Osy úı-jaılarǵa kirý personal úshin shekteledi.
90. О́ndiristik jáne zerthanalyq úı-jaılar basqa úı-jaılardan bólek ornalastyrylady, arnalǵan maqsattarda ǵana paıdalanylady jáne sanksııalanǵan ruqsaty bolady.
91. Qandy jáne qan komponentterin saqtaý jáne tasymaldaý úshin mynadaı «salqyndatý tizbeginiń» sharttary saqtalady:
1) qan ónimderin saqtaý jáne jetkizý sharttaryn qamtamasyz etetin tońazytý jabdyǵy – termokonteınerler, avtorefrıjeratorlar;
2) tıisti temperatýrany saqtaýǵa, ónimdi fızıkalyq zaqymdanýdan jáne mıkrobıologııalyq lastanýdan saqtaýǵa múmkindigi bar qaptama;
3) barlyq kezeńderde temperatýralyq rejımniń saqtalýyn turaqty baqylaý.
92. Qan alý aseptıka qaǵıdalaryn saqtaý arqyly júrgiziledi.
93. Jyljymaly medısınalyq obektiniń quramynda medısınalyq jáne qyzmet kórsetetin personalǵa arnalǵan jatyn bólmeler, sanıtarııalyq turmystyq úı-jaılar, tamaq daıyndaýǵa jáne ishýge arnalǵan úı-jaılar (as úı, ashana) kózdeledi.
94. Arnaıy medısınalyq jabdyq ornatylǵan jerlerde bekitkishter kózdeledi.
95. Qyzmet kórsetetin personalǵa arnalǵan jatyn úı-jaılar uıyqtaıtyn sórelermen, kıimderge arnalǵan ilmektermen, joǵary sórege kóterilý úshin baspaldaqtarmen, qosalqy tutqalarmen, ústelshelermen jabdyqtalady. Tońazytqysh jabdyǵy, qysqa tolqyndy pesh, dıspenserler kózdeledi.
96. Medısınalyq kabınetter shalqaımaly ústelmen, jyljymaly shkaftarmen, dáriger ústelimen, keńse kreslosymen, medısınalyq kýshetkamen, medısınalyq apparatýramen jabdyqtalady.
97. Kabınetter aralastyrǵyshtar ornatylǵan shyntaqty krandary men sý aǵatyn quraldary bar rakovınalarmen jabdyqtalady. arqyly ystyq jáne sýyq sý keltirilgen qol jýǵyshtar ornatylady.
98. Sanıtarııalyq torap turmystyq aralastyrǵyshpen, aınamen, sabyn salǵyshpen, dárethana quraldaryna arnalǵan shaǵyn sóremen, súlgi ustaǵyshpen, kıimderge arnalǵan ilmektermen, dárethana qaǵazyn ustaǵyshpen, ýnıtazǵa arnalǵan qyl shetkamen, edenge tóseıtin syrǵanamaıtyn jabynmen jabdyqtalady.
99. Jyljymaly medısınalyq obektide tóbege ilinetin monoblokty aýa baptaý júıesi kózdeledi.
100. Stasıonarlyq kómek kórsetetin barlyq obektilerdegi palataly bólimsheler ári-beri ótetin jolda bolmaýy tıis.
101. Kúndizgi stasıonar jeke blokta ornalastyrylady jáne mynadaı úı-jaılar jıynyn qamtıdy: kútý aımaǵy 10,0 sharshy metr (budan ári - m2), dáriger kabıneti 10,0 m2 , emshara kabıneti 10,0 m2, eresek adam úshin bir tósekke 6,0 m2 , bala úshin 4,5 m2 esebinen kúndiz bolatyn palatalar, sanıtarııalyq torap.
102. Palatalarda tósekter alańǵa qatań sáıkestikpen ornatylady.
103. Ana men balany qorǵaý obektilerinde, kóp beıindi aýrýhanalardyń hırýrgııalyq bólimshelerinde, ınfeksııalyq aýrýlar stasıonarlarynda (bólimshelerinde) bólimshelerdi aımaqtarǵa bólýdi qamtamasyz etý qajet. Balalar emhanasyn eresekterge arnalǵan emhanamen bir ǵımaratta ornalastyrýǵa jol beriledi, bul rette, balalar emhanasynyń jeke syrtqy kire berisi bolýy qajet.
104. Ekstrakorporaldy uryqtandyrý bólimshesiniń quramy men alańy tehnologııalyq prosespen jáne mekemeniń qýatymen aıqyndalady.
105. Gınekologııalyq, bosandyrý bólimsheleriniń qabyldaý bólimsheleri jáne balalar stasıonarynyń qabyldaý bólimshesi kıim iletin orny men sebezgisi bar personalǵa arnalǵan sanıtarııalyq ótkizgishtermen jabdyqtalady.
106. Jeke bosandyrý palatasy suıyq sabynmen, antıseptıkpen, bir ret paıdalanylatyn súlgimen, qol jýý tehnıkasy boıynsha qabyrǵalyq kórneki quralmen, kilemshemen, doppen, shved shkafymen qamtamasyz etiledi. Palatalarda ylǵaldy jınaýǵa bolatyn zattardy qoldanǵan jaǵdaıda erkin ıntererge, ana men bala úshin óziniń taza kıimin paıdalanýǵa jol beriledi.
107. Bosandyrý palatasynda aýanyń temperatýrasy keminde +250S bolýy tıis. Merziminen buryn bosaný kezinde bosaný zalyndaǵy aýanyń temperatýrasy keminde +280S qamtamasyz etiledi.
108. Bosanǵannan keıingi bólimsheniń palatalary sıklmen, keminde bes kún bolýdan aspaıtyndaı etip tolyqtyrylýy tıis, úı-jaıdyń temperatýrasy keminde 250S bolýy tıis.
109. Ana men bala birge bolatyn palatada jańa týǵan náresteler úshin jeke balalar tósekteri jáne jańa týǵan nárestelerge arnalǵan q